Премиерот Заев со владин тим на значајна посета во БиХ
Објавено во: Македонија 22 Јули, 2017
Премиерот Зоран Заев продолжува со одржување на блиски контакти и развој на односите со БИХ за која цел во Сараево ќе отпатува македонска владина делегација. Свечениот пречек ќе се одржи на платото пред зградата на заеднички институции на БиХ по што следува средбата на македонската делегација со членовите на делегацијата на Советот на министри на БиХ.
По средбата, според информациите од Службата за информирање на Советот на министри на БиХ, планирани се изјави на премиерот Заев и претседавачот на Советот на министри на БиХ, Денис Звиздиќ.
Во состав на македонската делегација се и министерот за внатрешни работи Оливер Спасовски, министерот за економија Крешник Бектеши, министерот за земјоделство Љупчо Николовски, министерот за култура Роберт Алаѓозовски и министерот задолжен за дијаспора Едмонд Адеми.
Во рамки на посетата предвидено е да биде потпишан меморандум за разбирање меѓу македонското Министерство за земјоделство, шумарство и водостопанство и Министерството за надворешна трговија и економски односи на БиХ, како и потпишување на Програмата за културна соработка меѓу македонското Министерство за култура и Министерството за цивилни работи на БиХ.
Според агендата предвидено е попладне кај Ротимље македонскиот премиер заедно со претседавачот на Советот на министри на БиХ да положат цвеќе на спомен обележјето на трагично загинатиот македонски претседател Борис Трајковски и членовите на неговата делегација.
Во вечерните часови премиерот Заев заедно со Звиздиќ ќе присуствуваат во Мостар на манифестацијата „Мостар не ги заборава пријателите“.
Можеби ќе ве интересира
ФАКТОР НА ДЕНОТ: Таравари најави дека до петок ќе има конечен договор со ВМРО-ДПМНЕ за формирање Влада
ТАРАВАРИ: Се очекува до петок да се постигне финален договор за формирање на Влада
OJO: Поведена постапка за насилство во училиште во Битола каде маж тепал дете, а жена му ја држела наставничката
Две обвиненија за Мерко, поставувал некомпетентни директори на училишта
ЗА ПАЛЧО СЕ ОГЛАСИЈА ОД КРИВИЧЕН СУД: Судија на претходна постапка во координација со Јавен обвинител, ќе издаде наредба за спровод за негово произнесување
Екстрадиран кондовскиот терорист Бесим Красниќи во Македонија
ЈАНЕ ПЕТКОВСКИ И ЕЛИЗАБЕТА СТЕФКОВСКА ГО НАПУШТИЈА СДСМ ВО СОВЕТОТ НА КИСЕЛА ВОДА - градоначалникот Ѓорѓиевски им изрази благодарност
„НИТУ ЕДНА ВЛАДА НЕ МОЖЕ ДА ГО РАСКИНЕ ДОГОВОРОТ СО БЕХТЕЛ И ЕНКА“: Европскиот фронт прашува дали Вреди и ВМРО се договориле за ревизија на Коридорот 8
