Пренџов: Кога 132.000 граѓани ќе се распоредат согласно пописот, ќе ги добиеме сличните или истите резултати кои што ги имавме во 2002 година
Објавено во: Македонија 01 Април, 2022
Кога 132.000 граѓани ќе се распоредат согласно пописот, ќе ги добиеме сличните или истите резултати кои што ги имавме во 2002 година, изјави пратеникот Љупчо Пренџов, во емисија на Телма телевизија.
„ВМРО-ДПМНЕ и Коалицијата вели дека ако останеме ние со 132.000 непопишани граѓани, ако не знаеме кој е православен, кој е муслиман, кој е атеист, а притоа влечеме од заедниците влечеме права и обврски во Уставот, вие ќе мора да направите попис кој што ќе го отсликува тоа понатаму во Уставот. Ние имаме капацитет како држава ако треба повторно да направиме попис, и тоа нема да чини многу средства, ќе биде со скромни средства и ќе го направиме како што треба“, вели тој.
Според него, вака пописот не е комплетен.