Притвор за пукачот од Шишево кој лани уби човек пукајќи му во грбот

Добивај вести на Viber

После една година, пукачот од Шишево кој лани ова време се обиде да убие двајца, а тоа му успеа само со едно лице, а потоа и избега и цела година беше недостапен за органите на прогонот, ќе се гони за убиство. 

Јавен обвинител од Основното јавно обвинителство Скопје донел Наредба за спроведување истражна постапка против едно лице поради постоење основано сомнение дека сторил едно кривично дело – Убиство од член 123 став 1 и едно кривично дело – Убиство од член 123 став 1 во врска со член 19 (во обид) од Кривичниот законик.

Сцената била како од каубојски филм.

„Осомничениот на 02.03.2019 година, на локалниот пат меѓу селата Шишево и Глумово, со употреба на огнено оружје – полуавтоматски пиштол, со умисла лишил од живот едно лице, а уште едно се обидел да го лиши од живот“, велат од Обвинителството.

На критичниот ден, тој со својот автомобил го попречил движењето на автомобилот во кој се наоѓале двајцата оштетени, заедно со уште едно лице – сведок на настанот и започнал вербална расправија заради претходно нарушени односи. 

„Во момент кога еден од оштетените започнал да се враќа кон своето возило за да влезе, осомничениот му се приближил на кратко растојание и испукал кон него еден проектил од пиштолот, нанесувајќи му тешка телесна повреда во вид на прострелна рана. Потоа тргнал да се пресмета и со вториот оштетен. Сведокот се попречил меѓу нив, но осомничениот му наредил да се тргне. За тоа време, оштетениот започнал да бега, па осомничениот се стрчал кон него и испукал повеќе проектили, нанесувајќи му две огнострелни повреди во пределот на грбот. Како последица на овие повреди, оштетениот починал непосредно по приемот во болница“, објаснуваат од Обвинителството.

По ова, осомничениот се дал во бегство и го напуштил местото на настанот и една година бил недостапен на органите на прогонот. 

„Надлежниот јавен обвинител до судијата на претходна постапка достави Предлог за определување мерка притвор за осомниченото лице поради опасност од бегство, можност да ги сокрие трагите на кривичното дело, да ја попречува кривичната постапка со влијание врз сведоците и вештите лица, како и да го повтори делото“, велат од Обвинителството.