Проблематичната Дојче Банка изненади со добивка

Добивај вести на Viber

Најголемата европска банка Deutsche Bank AG забележа добивка во третиот квартал, со што ги изненади аналитичарите. Покрај тешкотиите со кои се соочи германската финансиска институција во оваа година, таа забележа добивка во вредност од 278 милиони евра во периодот јули - септември. За споредба, минатата година загубата достигна 6 милијарди евра.

Финансиските извештаи на банката покажуваат дека во периодот јули-септември 2016 година приходите се во износ од 7,5 милијарди евра, но зголемувањето е незначително во споредба со една година порано.

За најдобри резултати ефектот се остварува со ограничување на трошоците и стартување на антикризен план на новиот извршен директор Џон Крајан. 

„Продолжуваме да одбележуваме напредок во реструктуирањето на банката“, вели тој

Иако Deutsche Bank се врати на добивка во третиот квартал на годината, финансискиот резултат страда од ниските и дури негативни каматни стапки, кои имаат негативно влијание врз банкарство на мало.

Потсетуваме дека германската банка загуби 41% од пазарната капитализација оваа година. Во моментов таа е една од најслабо капитализираните банки во Европа.