Протести за наставата да биде во училиштата, под прашалник и таа до 3 одделение

Добивај вести на Viber

Откако надлежните одлучија децата од 1 до 3 одделение да одат во училиште, но оставија простор родителите да ја донесат конечната одлука дали нивното дете сепак сакаат да посетува онлајн настава, сега голем притисок е на самите родители. Наставниците пак, не знаат како ќе се организираат да предаваат и на децата во училница и на тие кои ќе учат од дома. Во услови кога нема детали како ќе се организира он лајн наставата и дали истиот наставник ќе работи и со двете групи, родителите се во недоумица што да одберат.

Аргументите на тие кои сакаат нивното дете да оди во учулиште се дека децата се мали и не можат да научат ништо дома, а првите одделенија се клучни за нив. Тие кои одбираат он лајн настава в предвид го земаат ризикот од мешањето на децата. Инаку анкетите кои ги имаат одделенијата покажуваат дека повеќе родители на ученици од 1 до 3 одделение се изјасниле за он лајн настава.

Ќе има ли воопшто настава со физичко присуство, како ќе изгледа сето тоа, допрва ќе се утврдува.

Збунети се и децата и наставниците, родителите на овие деца нема да можат да одат на работа во секој случај што е дополнителен притисок

Министерот за здравство и министерот за образование соопштија дека наставата ќе биде он лајн освен за децата во првите три одделенија. Дел од родителите кои поддржуваат настава од дома и бараа таа да биде таква се смирија, но има родители кои се категорично против. Се собираат идеи и иницијативи во кои дури и се зборува за протести.

Досега не се знае ниту ког аќе почне учебната година.