Пукање во Лил: Властите не исклучуваат дека е нов терористички напад
Објавено во: Свет 25 Март, 2017
Најмалку три лица се повредени во францускиот град Лил, откако непознат напаѓач отворил оган недалеку од метро станицата „Порт Д’Арас“. Како што пренесува руската новинска агенција Раша Тудеј, на местото на нападот веднаш биле испратени голем број на безбедносни сили, но засега не е утврдено дали станува збор за тероризам или пак нападот е извршен од други мотиви.
Според изјавите на очевидците на нападот, во моментот на нападот се слушнале најмалку пет истрели од огнено оружје во централниот дел на Лил, а според последните информации меѓу повредените има 14-годишен тинејџер кој што бил застрелан во нога. Според првичните информации, едно лице добило повреди во пределот на вратот и веднаш било префрлено во болница.
Напаѓачот, откако отворил оган кон случајните минувачи, веднаш побегнал, а во тек е голема операција на француската полиција и разузнавачки служби за негово пронаоѓање.