Путин е разочаран од изјавата на Меркел и кажа дека порано можел да ја нападне Украина
Објавено во: Свет 09 Декември, 2022
Рускиот претседател Владимир Путин е разочаран од изјавата на поранешната германската канцеларка Ангела Меркел за договорите од Минск и признава дека предоцна започнала инвазијата.
Вели дека специјална воена операција, можела да биде започната и порано, но дека Русија очекувала исполнување на Минските договори.
Путин изјави дека изјавата на Меркел била за него претставува разочарување, затоа што секогаш во разговорите тргнувал од тоа дека германските власти со искреност се однесуваат кон Русија.
„Искрено зборувајќи, не очекував да го слушнам ова од поранешната германска канцеларка“, рече Путин.
Во интервјуто од средата за германскиот весник Die Zeit, Меркел ги опиша договорите од Минск како „трик“ и „обид да ѝ се даде време на Украина да зајакне“. Вели дека „на сите им беше јасно“ дека конфликтот е замрзнат и дека проблемот не е решен, „но со тоа на Украина ѝ беше дадено непроценливо време“. Меркел се сомнева дека земјите од НАТО би можеле тогаш да му дадат поддршка на Киев во онаа мера како што тоа го прават сега.
Со Минските договори, инаку, беше предвидено прекинување на борбените дејствија во Донбас и давање широка автономија на Доњецк и Луганск.
Меркел рече дека во 2008 година, Путин можел да ја прегази Украина.
Неодамна, Меркел изјави дека при крајот на мандатот немала моќ да влијае на Путин.