Путин го губи Балканот: Договорот меѓу Атина и Скопје го намалува руското влијание го регионот

Добивај вести на Viber

Кога Грција која традиционално е една од најблиските руски пријатели во Европа му сврте грб на Путин, со протерувањето на двата руски амбасадори поради обидот да го спречат договорот со Македонија, се откри фрустрацијата на Москва, која прави последни обиди за да го задржи влијанието на Балканот.

Сајтот Блумберг тврди дека со поканите за влез во НАТО и ЕУ, тотално се трга руското влијание на Балканот. Иако претходно Москва имаше подобри односи со земјте од Балканот, сега со новите политики на вртење кон запад, целосно се менуваат односите.

Според експертите, расте фрустрацијата на рускиот претседател Владимир Путин, кој полека губи сојузници, но од друга страна реакциите на Москва се оценуваат како пасивни.

Последно во низата настани е договорот меѓу Атина и Скопје, поради кој руски дипломати беа протерани од Грција, а земјата одговори дека доколку Русија се обиде на било каков начин да му наштети на договорот, нивните мерки ќе бидат поостри.

Во Македонија треба на 30 септември да се одржи референдум на кој се спротиставува претседателот Ѓорге Иванов, а го поддржува премиерот Зоран Заев. Минатиот месец OCCRP откри дека во документи на МВР во Македонија пишува дека грчко – рускиот милијардер Иван Савидис платил 300. 000 евра на противниците на договорот, а неговиот правен застапник одби да ги коментира овие нинформации.

Албанија и Хрватска се дел од НАТО. Босна и Херцеговина е заинтересирана за влез во Алијансата, иако на ова се спротиставуваат Босанските Срби, кои се проруски ориентирани. Дури и Србија, која важи за земја блиска до Русија се приклучи на програми за соработка со НАТО, а во меѓувреме ЕУ најави дека до 2025 година, таа заедно со уште 5 балкански земји ќе бидат дел од Унијата.

Очигледно 30 септември ќе биде клучен за иднината не само на Република Македонија, туку и на Балканот, но и за влијанието на американските или руски сили во регионот.