ПУТИН ПРЕДУПРЕДУВА: Некој повторно подготвува провокација со хемиско оружје
Објавено во: Свет 11 Април, 2017
Русија има информации дека напади со хемиско оружје, слични на оној во Идлиб, можеби се подготват и во други области на Сирија, изјавил рускиот претседател Владимир Путин пренесуваат светските медиуми.
„Имаме информации од различни извори дека ваквите провокации, а не можам да ги наречам поинаку, се подготвуваат во други региони на Сирија, вклучително и во јужните предградија на Дамаск, каде сакаат да пуштат повторно некаква материја и да го обвинат за нејзино користење официјалните сириски власти“, истакнал Путин по средбата со италијанскиот претседател Серџо Матарела, пренесе агенцијата Фокус.
„Ние разговаравме тоа со претседателот и јас реков дека тоа многу ме потсетува на настаните од 2003 година, кога претставниците на САД во Советот за безбедност го покажаа наводното хемиско оружје, пронајдено во Ирак. Потоа почна воената кампања во Ирак и заврши со уништување на земјата, зголемувањето на терористичката закана и појавата на екстремистичката организација „Исламска држава“ на меѓународната сцена“, прецизира Путин.