Ребалансот уште во игра: По референдумот можно и прекројување на државната каса
Објавено во: Економија 09 Септември, 2018
Дали ќе има или не, ребаланс на буџетот годинава ќе зависи од дополнителните анализи кои ќе се направат кон крајот на месецов или на почетокот на следниот, рече премиерот Зоран Заев денеска на прес конференција. Тој вели дека паралелно со референдумската кампања ќе се прави и анализата, па ќе се знае како и дали ќе се ревдираат проекциите. Експертската јавност смета дека ребалансот е потребен поради слабата реализација на капиталните инвестиции кои до јули годинава се реализирани само 21 процент од планираните. Заев денеска вели дека само капиталните инвестиции се слаба алка а дека буџетот има солидни преформанси.
Формиран е специјален комитет за инфраструктурен развој на државата и градежништво, во кој учествува секој ресор во државата, во кој има капитални инвестиции, предвидени во буџетот и во јавните претпријатија, кои не се составен дел од буџетот.
– Уверени сме дека ќе има раст на капиталните инвестиции. На крајот на крајот на годината се реализираат најголемите капитални инвестиции. На почетокот на годината се создава проектна документација, се решаваат имотно-правните односи, се спроведуваат тендереските постапки за реализацијата да дојде во втората половина на годината. Видливо ќе се зголеми севкупниот инвестициски дел на капиталните инвестиции – нагласи премиерот.
Можеби ќе ве интересира
ЗА ЈАХТИ, ХАЦИЕНДИ И СКАПИ КОЛИ ЌЕ СЕ ПЛАЌА ПОСЕБЕН ДАНОК, ЗА ПЛАТИ НАД 7.700 ЕВРА 40 ОТСТО ПЕРСОНАЛЕЦ - еве какви решенија нуди Левица
НАЈНОВА СТАТИСТИКА: Србите сѐ помалку бараат работа во странство, младите сѐ повеќе одлучуваат да останат во својата земја
ЕДЕН ОД НАЈГОЛЕМИТЕ ТРГОВСКИ СИНЏИРИ ВО ЕВРОПА Е ПРЕД БАНКРОТ: Се затвораат 16 стоковни куќи, 1.400 работници остануваат без работа
НАЦИОНАЛНО БИРО ЗА ОСИГУРУВАЊЕ: Цената на авто осигурувањето е непроменета од 2008 година, реално е покачувањето
ВО ГЕРМАНИЈА СЀ ПОВЕЌЕ СЕ ЧУВСТВУВААТ ПОСЛЕДИЦИТЕ ОД КРИЗАТА: Пристигна загрижувачка оценка
CGTN-GLOBAL SOUTH VOICES: „Прекумерен капацитет или страв од подемот на Кина?“
ПОРАЗИТЕЛНО: Приближно 70 отсто од фабриките во Русија се соочуваат со недостиг на работници
Бугарскиот „Флекс Кредит“ ќе врти кај должници и ќе бара наплата за компании
„Алкалоид“ добитник на „Патент на годината за 2023“ за иновативниот „Омепразол“ во течна форма
