Ремдесивир влијае на скратување на периодот на хоспитализација, не на преживувањето: Уште нема лек специфичен за ковид, потврди Филипче

Добивај вести на Viber

До овој момент нема специфична терапија за лекување од корона вирусот, нема никаде во светот нема лек кој што е потврден да биде специфичен за Ковид-19, потенцираше министерот за здравство, Венко Филипче на денешната прес-конференција.

-И Фавипиравирот, лек за којшто исто така стигнаа огромен број прашања, е лек за кој што се водат бројни студии, има дури 30-тина стидии кои се прават во светот. Тука е и ремдесивирот, лек неспецифичен за оваа болест. Има одредени докази, дека влијае на скратување на периодот на хоспитализација, не на преживувањето. И во смисла на тоа, матичните лекари имаат насоки за целокупната терапија, согласно состојбата, клиничката слика, прегледите. Ако има потреба, пациентите ги упатуваат на болничко лекување, рече Филипче.

Истовремено, министерот истакна дека во сите болнички установи постои координирана комуникација меѓу сите институции во однос на пристапот кон пациентот.

– Има пациенти кои имаат широка лепеза на огромен број манифестации на болеста, сепак остава простор за еден пристап кој што значи лекување според кличката слика. Типот на лекување зависи од секојдневните анализи, кои што често се менуваат, па во зависност од тоа се менува и терпијата, дозите и типот на лекови, нагласи Филипче.