Русија нема да печати повеќе пари за економски бум, ветува Медведев

Добивај вести на Viber

Рускиот премиер Дмитриј Медведев во прво интервју за медиум по победата на неговата партија „Единствена Русија“ образложи дека повеќе нема да се печатат државни пари со цел да се поттикне економскиот раст, ниту пак во креирање на буџетот има простор за популизам

„Не можеме да дозволиме популизам, особено не во буџетот“, пишува Медведев во статијата под наслов „Социјално-економси развој на Русија: стекнување нова динамика“ објавена во економскиот магазин напиша „Вопроси економики“. Тој уште пишува дека за развојот на економските политики на земјата „важно е не само да се формулира што треба да се направи, туку исто така, што владата треба да избегнува“.

На овој начин се обиде да ги одбие и сите притисоци од економистите и бизнисмените на кои не им одговара актуелната состојба со наметнатите санцкии, па тие сметаат дека само владата со државни трошења може да ја придвижи економијата.

„Нема да тргнеме по патот на активирање на машините за печатење неурамнотежената економија, бидејќи тоа носи катастрофални последици. Ако нема пари во буџетот, нема да ги печатиме за да ги покриеме недоволните приходи. Сите разбираме дека таквите пари, произведени само од хартија, ја хранат инфлацијата и ја девалвираат заработката, платите и пензиите на луѓето“, пишува Медведев.

Руското министерство за финансии предложи во периодот од 2017 до 2019 година државната потрошувачка да се замрзне на годинешното ниво, што би значело намалување на потрошувачката кога ќе се земе предвид инфлацијата. Годинешниот буџетски дефицит, првично планиран на ниво од 3 отсто од БДП-то, сега се проценува дека ќе достигне 3,2 отсто. Во претстојните години министерството планира негово намалување за 1 процентен поен.

Медведем смета дека и покрај геополитичките услови, Русија мора да се отвори економски со цел да стекне повеќе трговски партнери и да не трпи премногу поради надворешната политика.