РУСИЈА СО ПОРАКА ДО КОСОВО: Приштина веднаш да ја повлече полицијата, oва е етничко чистење на Србите
Објавено во: Свет 22 Септември, 2021
Русија бара Приштина веднаш да ја повлече полицијата од северот на Косово.
Руското Министерството за надворешни работи денеска изрази загриженост поради влошувањето на ситуацијата во Косово и Метохија оценувајќи дека дејствата на, како што се вели, привремените приштински институции се провокации насочени кон протерување на Србите од автономната покраина.
„Во суштина, тоа е обид на локалните Албанци да ги преземат областите населени со Срби и да воспостават своја контрола. Овие посtапки ги сметаме за провокација, чија цел е продолжување на етничкото чистење и протерување на Србите од Косово“, се наведува во соопштението.
Tие ги повикаа како што велат американските и европските покровители на Приштина, да спречат деструктивно сценарио кое го загрозува целиот регион.Руското МНР нагласува и дека КФОР и ЕУЛЕКС „повторно не може или не сакаат да ја исполнат својата функција за одржување мир и безбедност“.
Шефот на дипломатијата на ЕУ, Жосеп Борел и специјалниот претставник на ЕУ за дијалогот Белград-Приштина, Мирослав Лајчак имале телефонски разговор со српскиот претседател Александар Вучиќ и косовскиот премиер Албин Курти, со цел итно ублажување на тензиите.
Косовскиот премиер Албин Курти им порача на Србите да се повлечат од блокадите, и според него, српскиот претседател Александар Вучиќ сака ескалација.