Русија возвраќа со санкции кон САД
Објавено во: Свет 17 Април, 2018
Руската државна Дума, долниот дом на парламентот, реши во идниот месец да го проучи предлог-законот за руските контра-санкции против САД и нејзините сојузници. Во законот во кој се наведени мерки против, како што се наведува, „непријателски дејства“, беше поднесен во минатиот петок.
Ќе се забрани увоз на земјоделски производи, тутун и алкохол од САД и земјите-сојузнички во нападот на Сирија. Ќе се ограничи соработката во нуклеарната индустрија и индустријата за ракетни мотори, како и во авионската индустрија.
Вчера САД најави дека ќе следуваат нови мерки на санкции од нејзина страна кон Русија, додека пак од ваму реагираа дека Доналд Трамп сака да ги истисне руските компании од глобалниот пазар.