Русите тестираа нова ракета, го заменуваат „Сатана“
Објавено во: Свет 30 Март, 2018
Успешно тестирана најновата интерконтинентална балистичка ракета. Ова денеска го соопшти руската војска.
Министерството за одбрана наведе дека при лансирањето од Плесецк, во северозападна Русија, се тестирани перформансите на ракетата „Сармат“ во рана фаза на летот.
Ракетите „Сармат“ треба да ги заменат проектилите од советско производство „Воевода“, најголемите светски интерконтинентални ракети, кои на Запад се познати како „Сатана“.
Путин рече дека „Сармат“ носи поголем број нуклеарни боеви глави, со поголема моќ отколку оние на „Сатана“.
Путин, исто така, рече дека „Сармат“ може да носи низа боеви глави способни да ја избегнат противракетната одбрана.