Рускиот премиер нареди дистрибуција на руската вакцина против Ковид-19 низ целата земја до 8 декември
Објавено во: Свет 03 Декември, 2020
Рускиот премиер Михаил Мишустин им наложи на Роспотребнадзор, Министерството за здравство и Министерството за правда да одобрат привремени правила за испорака на вакцини за спречување на инфекција со коронавирус во регионите на Русија до 8 декември. Ова се наведува во пораката на прес-службата на владата, објавена денеска
"Премиерот Михаил Мишустин даде една недела за развивање и одобрување привремени санитарни и епидемиолошки правила што ќе ја регулираат испораката на вакцина за спречување на нова инфекција со коронавирус. Упатството е упатено до Роспотребнадзор, Министерството за здравство и Министерството за правда. Крајниот рок за неговото извршување е 8 декември", се вели во соопштението.
Специфицирано е дека консолидиран извештај за спроведувањето на овие упатства ќе биде доставен од страна на Министерството за здравство и Роспотребнадзор до владата на редовна основа. Локалните гувернери понатаму треба да ги следат преземените санитарни и епидемиолошки мерки.
На 1 декември, на состанокот на координативниот совет, шефот на Министерството за здравство на Руската Федерација Михаил Мурашко рече дека се разработени логистичките ланци за снабдување на лекот во регионите.
Неофицијално, западни медиуми тврдат дела лретседателот на Русија Владимир Путин и наредил на владата следната недела да започне „масовна“ вакцинација за коронавирус, бидејќи Русија се обидува да ја зголеми достапноста и вниманието за својата вакцина Спутник-V.
До ваквата одлука дошло неколку часа откако Британија соопшти дека одобрила вакцина, изработена во заедничка американско-германска соработка, откако клиничките испитувања покажале дека е 95% ефикасна и нуди значителна заштита за постарите луѓе.