САД обвинува - И Русија шверцува нафта во Северна Кореја
Објавено во: Свет 30 Декември, 2017
САД според разузнавачки информации и сателитски снимки се загрижени дека Русија исто така како и Кина шверцува нафта во Северна Кореја која се наоѓа под жестоки санкции поради заканите на нејзиниот лидер Ким Џонг Ун.
Ројтерс се повикува на анонимни западноевропски извори, кои тврдат дека во октомври и ноември биле забележани случаи во кои руски бродови префрлале нафтени деривати на севернокорејски бродови на отворено море. Според изворите, нема докази дека ова се врши со знаење или согласност на руските власти.
Американскиот претседател Доналд Трамп ја обвини Кина дека го крши ембаргото, доставувајќи им нафта на севернокорејски танкери на отворено море. Во медиумите беа објавени фотографии од американски сателити од овие наводни средби меѓу бродови од двете држави.