САД СО ПОРАКА ДО КОСОВО: Ќе има последици за опструкција на Специјалниот суд
Објавено во: Свет 29 Декември, 2017
Aмериканската амбасада во Приштина повика дека косовската влада треба да се огради од заканите со насилство поради Специјалниот суд за воени злосторства во Косово.
Тие предупредија дека ќе има последици за обидите за опструкција на судот.
Велат дека косовските лидери грешат ако мислат дека усвојувањето на иницијативата во Собранието на Косово за расформирање на Специјалниот суд, нема да ги влоши односите меѓу Приштина и меѓународната заедница.
„Секој таков обид ќе има длабоки негативни последици по европската иднина на Косово и неговиот однос со САД“ - стои во соопштението на амбасадата.
Косовскиот претседател, Хашим Тачи изјави дека на иницијативата на група пратеници од владејачката коалиција за расформирање на Специјалниот суд за воени злосторства за Косово треба да се гледа како на алтернатива на правдата, а не како на бегање од правдата.