СДСМ ги повикува ВМРО ДПМНЕ да дадат придонес,а не да ги блокираат демократските процеси

Добивај вести на Viber

Целосно неосновани се тврдењата дека нема услови за демократско функционирање на Собранието, велат од партијата на власт коментирајќи го ставот на опозициската ВМРО ДПМНЕ да не се врати во собраниските клупи.

„Со промените по изборот на новата демократска Влада, спроведувањето на реформите и новите политики, започнати се процесите за Собранието да биде вистински храм на демократијата и да работи исклучиво во интерес на сите граѓани.

Во тие демократски процеси, пратеничката група на ВМРО-ДПМНЕ треба да даде придонес, а не да ги блокира“, потенцираат од СДСМ.

Од партијата која има мнозинство во законодавниот дом посочуваат дека јавноста од овото раководство на ВМРО-ДПМНЕ очекуваат конечно да се ослободи од политиките на поделби, блокади и деструкции и да земе активно учество во спроведувањето на зацртаните реформи.

„ВМРО-ДПМНЕ треба да покаже одговорност пред интересите на граѓаните и државата и конструктивно да се вклучи во реформските процеси што обезбедуваат економски раст, повисок животен стандард, демократија, владеење на правото, добрососедски односи и целосна интеграција на Република Македонија во ЕУ и НАТО, што истовремено е врвен државен и национален интерес“, стои во соопштението на СДСМ.