Се помалку јадеме фета сирење: Грчкиот извоз со најголем пад во Македонија
Објавено во: Економија 09 Септември, 2020
Македонија е земја каде што има најголем пад на грчкиот извоз вон земјите од Европската унија, покажаа објавените статистички податоци за првото полугодие од 2020 споредбено со периодот од јануари до јули минатат година.
Експортот на Грција во Македонија како традиционален трговски партнер е намален за дури 29 проценти (на 269,7 милиони евра од 379,8 милиони евра),
Извозот во други европски земји (со исклучок на ЕУ) бележи значително намалување во првата половина на 2020 година, од -16,5 отсто во споредба со истиот период лани. Ова се должи на фактот дека во 4-те главни дестинации има намалување на грчкиот извоз.
Поточно, извозот во Турција се намали за -23,6 проценти (на 675,7 милиони евра од 884,6 милиони евра), што доведе до пад од 4-то на 6-то место на рангирањето на главните дестинации на грчките производи.
Помало, но значително процентно намалување бележи извозот во Велика Британија (-14,6 проценти), на 515,2 милиони евра од 603,6 милиони евра. додека помало намалување е забележано во Албанија за -14,2% (на 255,2 милиони евра од 297,5 милиони евра).
Од друга страна, многу голем пораст на извозот е забележан во Гибралтар за 30 отсто (на 237,7 милиони евра од 182,8 милиони евра) и помал пораст во Србија за 5,8 отсто (на 134,4 милиони евра).
Извоз во Украина, од дестинации со извозната вредност од над 100 милиони евра, е опаднат минимално за 1,6 проценти, односно од 113,5 милиони евра на 111,7 милиони евра).).