Се воведува лимит на високите трошоци што граѓаните го плаќаат при користење на потрошувачки кредити
Објавено во: Финансии 28 Јули, 2018
Ограничувањето на надоместоците кои ги плаќаат граѓаните при одобрување и отплата на потрошувачки кредити е главната цел на измените во новиот Предлог-закон за заштита на потрошувачите при договори за потрошувачки кредити, соопштија од Министерството за финансии.
Како што се наведува во денешното соопштение, со ограничувањето на надоместоците, односно на годишната стапка на вкупни трошоци, ќе се намалат трошоците кои граѓаните ги плаќаат при користење на потрошувачки кредити.
„Намалувањето ќе биде најзначајно кај кредитите во кои се одобруваат мали износи, со кратки рокови на отплата, т.н. „брзи кредити“.
На овој начин ќе се намали ризикот од дополнително влошување на состојбата на лицата кои имаат проблеми со отплата на кредитите“, потенцираат од финансии.
Во текот на следната неделата целосниот текст на законот ќе биде објавен за јавна консултација.