СЕМЕЈСТВОТО ТРАМП ВО ШОК: Порно ѕвездата Сторми Даниелс сака да ги врати парите кои ги добила за молчење
Објавено во: Свет 13 Март, 2018
Повторно скандал со претседателот на САД, Донал Трамп кој овој пат малку пвеќе ги загрижи сите од неговото семејство.
Ѕвездата на филмови за возрасни Сторми Даниелс сака да ги врати парите кои ги добила за молчење, во врска со својот однос со американскиот претседател Доналд Трамп и во јавноста да ги изнесе сите детали од нивната љубовна афера.
Таа понудила да му ја врати сумата од 130.000 долари назад на адвокатот на Трамп, кој и ги дал тие пари во замена за молк, за во јавноста отворено да може да зборува околу својот однос со Трамп и да објави текстуални пораки кои тие меѓусебно си ги разменувале, како и фотографии и видео содржина, пренесуваат американските медиуми.
И покрај тоа што оваа афера се случила многу оддамна, во периодот кога Меланија го родила синот Барон, случајот стана актуелен дури изминативе неколку месеци.
Ситуацијата сега, како што може да се каже, и станала досадна и на самата порно ѕвезда.
Сторми Даниелс, во писмо во кое нејзиниот адвокат Мајл Авенати му го испратил лично на адвокатот на Трамп, пишува дека до петок 16 март таа ќе ги врати сите пари на сметката на претседателот, а дека во замена за тоа конечно слободно ќе може да зборува за аферата, но и за неговите обиди да ја замолчи.
Во меѓувреме, од Белата куќа ги демантираат сите наводи за врската меѓу претседателот Трамп и порно-актерката Сторми Даниелс.
Што ќе се случи, останува да видиме.