Сенатот му ги одобри првите функционери на Трамп и двајцата се екс генерали
Објавено во: Свет 21 Јануари, 2017
Сенатот на САД ги прифати кандидатурите на првите двајца високи функционери назначени од новиот американски претседател Доналд Трамп и тоа во областа на безбедноста, во секретаријатот за одбрана, како и во разузнавачката агенција „Татковинска безбедност“. Станува збор за пензионираните генерали Џејмс Матис и Џон Кели кои положија заклетва пред новиот потпретседател на САД, Мајк Пенс.
Шеесет и шест годишниот Матис, кој е поранешен генерал на морнарицата, е еден од наједногласно одобруваните личности во администрацијата на новиот шеф на државата. Тој учествувал во операцијата „Пустинска бура“ во Персискиот залив и во операции во Авганистан и Ирак. Од 2010 година па се до неговото пензионирање во 2013 година тој ја предводел Централната команда на вооружените сили на САД.
Кели, исто така, е 66-годишен генерал на морнарицата. Негова последна функција во 45-годишната воена кариера била командант на Јужната команда, во чија зона на одговорност се вбројува и затворот Гвантанамо, за чие затворање тој бил против.