Северна Македонија останува земја со висок ризик за Швајцарија, во Албанија и Косово може слободно да се патува
Објавено во: Македонија 04 Декември, 2020
Списокот на земји и територии кои се изложени на висок ризик за Швајцарија е ажуриран. Оваа листа ќе стапи на сила во 00.00 часот на 14 декември 2020 година.
Косово и Албанија се две балкански земји кои не се на списокот „опасни за патување“ за Швајцарија. што значи дека сите жители на Швајцарија можат слободно да се движат на Косово и Албанија, по што не треба да бидат ставени во карантин кога се враќаат.
Во меѓувреме, балканските земји кои се наоѓаат на списокот со висок ризик според извештајот на БАГ: се Северна Македонија, Црна Гора и Србија.
Други земји со потенцијален ризик за Швајцарија се Андора, Грузија, Јордан, Хрватска, Луксембург, Полска, Португалија, Словенија, Сан Марино, САД и некои области на Австрија, Италија и Франција.
Швајцарската држава бара карантин за патници од одредени ризични земји и области. Списокот на овие држави и територии ќе се ажурира на 14 декември. Негативен тест за Ковид-19 не исклучува одлука за карантин.