Шефот на ЦИА ги прогласи хакерите на WikiLeaks за непријатели на САД
Објавено во: Свет 14 Април, 2017
Директорот на американската Централна разузнавачка агенција (CIA) ги нарече WikiLeaks „непријателска разузнавачка служба“, користејќи го својот прв јавен говор на позицијата директор за да ја обвини оваа организација за напад над американските тајни служби.
Помпео исто така го нарече основачот на WikiLeaks, Џулијан Асанж „измамник“ и „кукавица“. „Време е WikiLeaks да се нарече со вистинското име, а тоа е непријателска разузнавачка служба која често е поддржана од страна на државните актери во Русија“, смета Помпео.
Според него, руската воена разузнавачка служба, за време на изборите во САД ги користела WikiLeaks за дистрибуција на хакираниот материјал од мејловите на членови Демократскиот национален одбор кој ги организираше изборите за Демократската партија чиј главен кандидат беше Хилари Клинтон.
Американските агенции заклучиле дека Русија украла електронска пошта и извршила други работи во корист на републиканскиот кандидат Доналд Трамп, а на штета на демократскиот кандидат Хилари Клинтон.
Помпео и Трамп, пак, не биле секогаш така критични кон WikiLeaks, потсетува агенцијата Ројтерс, потенцирајќи дека Трамп за време на изборен митинг минатата година во октомври ја фалел оваа организација, порачувајќи дека „ги сака WikiLeaks“