Шилегов најави нови фасади, покриви, пристапни рампи и тоалети со двојниот буџет за образование во 2018 за средните училишта
Објавено во: Македонија 12 Јануари, 2018
Градоначалникот Петре Шилегов денеска на прес-конференција за новинарите информираше дека Градот Скопје, во соработка со средните училишта што се поднегова ингеренција, започнува голем инвестициски проект за реконструкција на фасадите и на инфраструктурата во објектите.
- Со реконструкцијата на фасадите ќе ги опфатиме сите средни училишта коишто имаат потреба од тоа. Со ова училиштата ќе добијат енергетски ефикасни фасади, во согласност со современите стандарди за рационализација и за заштеда на електричната и на топлинската енергија. Покрај реконструкција на фасадите предвидена е реконструкција на покривите и на надворешната столарија, таму каде што е потребно. Висината на средствата за оваа намена, предвидени во буџетот на Град Скопје изнесува 70 милиони денари. Овие средства ги обезбедивме со пренамена на средствата што беа предвидени за Скопје 2014 - истакна градоначалникот Шилегов.
Годинешниов буџет на Град Скопје за образование е двојно зголемен во споредба со лани, односно од 81,2 милиони денари на 163,2 милиони денари.
Градоначалникот Шилегов, исто така, кажа дека предвидени се уште 20 милиони денари, средства со кои ќе се изврши доопремување на училиштата и ќе се уреди внатрешната инфраструктура согласно со приоритетите на секое од училиштата.
- Во рамките на овие реконструктивните активности се зема предвид и адаптацијата на просторот за пристапност на учениците со физичка попреченост. Тоа значи дека ќе се изградат надворешни и внатрешни рампи во училиштата каде што тие недостигаат, а исто така ќе се адаптираат и тоалетите во сите средни училишта на Градот Скопје – рече Шилегов на прес- конференцијата.
Градоначалникот потенцираше дека со овие активности се обезбедува еднаков пристап за сите, а учениците со физичка попреченост ќе добијат пристап до секое средно училиште на Градот Скопје.
- Скопје го правиме енергетски ефикасен град, бидејќи Скопје е град за сите. Нашите деца заслужуваат да учат во подобри услови. Планираме тие услови да ги добијат со почетокот на новата учебна година - изјави Шилегов на крајот од своето обраќање.
Можеби ќе ве интересира
ВАКВО НЕШТО РЕТКО СЕ ГЛЕДА: Еве како беше пуштено осветлувањето на 63 метарскиот крст во Драчево
ДАЛИ ЗАЕВ ОД ДАЛЕЧИНА САКА ДА МУ ПРЕНЕСЕ НЕКАКВА ПОРАКА НА КОВАЧЕВСКИ - еве што кажа во Америка
МАКСИМ ДИМИТРИЕВСКИ: Засега нема договор за поддршка на некој од претседателските кандидати, за тоа ќе одлучува партиското раководство
Пендаровски: Нашата понуда е единствена која гарантира дека Македонија ќе оди напред
„БИТИЌИ СРАБОТЕ АНТИКРИЗНИ МЕРКИ, БЕКТЕШИ ЗА НАМАЛУВАЊЕ НА ИНФЛАЦИЈАТА, И ГО ИМАШ ГРУБИ КОЈ ИГРА ФУДБАЛ ВО КАНЦЕЛАРИЈА“ - Ковачевски со поостра критика за кадарот на ДУИ
ВИСОК Е 63 И ПОЛ МЕТРИ И Е ВТОР ПО ГОЛЕМИНА КРСТ ВО ДРЖАВАТА - в очи на Велигден осветен крстот во Драчево
Крмов од Велес: Велешани ја препознаваат Левица како единствена опција која потекнува од народот
ИМА НЕДВИЖЕН ИМОТ НА СВОЕ ИМЕ, ДОСЕГА Е НЕОСУДУВАН... - од Врховен суд ги изнесоа причините зошто не треба затворски притвор за таткото на Вања
„АКО СЕ БИДЕ ВО РЕД, ВО ИДНАТА ВЛАДА ЌЕ БИДАТ ЗАЕДНО ВМРО-ДПМНЕ И ЗНАМ“ - новинарот Латас со прогноза
