Шок-бомби и камења на грчко-македонската граница, има повредени полицајци!
Објавено во: Балкан 28 Ноември, 2015
Група мигранти се обидела да влезе во Макеоднија од Грција, фрлајќи камења на полицијата. Во нередите се повредени 18 полицајци додека двајца се хоспитализирани, соопштија од МВР.
До несредите на граничниот премин кај Гевгелија дојде бидејќи војниците почнаа да затвораат дел од границата со подигање на 2,5 метри висока ограда. Неколку полициски и воени возила се оштетени во нередите, се наведува во соопштението.
Грчката агенција АНА јави дека македонската полиција испалила шок бомби во правец на мигрантите.
[embed width="700" height="450" ]https://youtu.be/wdKsx1oy_pU[/embed]Видео: А1Он
Еден мигрант е тешко повреден бидејќи го ударила струја на железничката станица во Идомени, на грчаката граница, наведеполицијата.
Фотографот на Франс прес известил претходно дека видел војници како користат тешка машинерија да ја подогнат оградата близу Гевгелија, на главниот пат од Солун кон Скопје.
Портпаролот на Владата Александар Ѓеоргиев рече дека границата ќе биде отворена и на сите ќе им биде доволен премин, освен на луѓето кои не се од воено зафатените подрачја.
Околу 200 луѓе во четвртокот се обидеа да ја пробијат оградата од бодликава жица на границата.
Од минатата недела, Македонија го ограничи преминот во северна Европа само за Сиријци, Иранчани и Авганистанци, кои се сметаат за воени бегалци.
Лицата од друга националност се означени како економски мигранти и им е кажано да се вратат назад.
Близу 85.000 луѓе влегоа во ЕУ годинава, од кои половината во Грција, а државите од европскиот блок се борат со формулирање на стратегијата за решавање на кризата.
Безбедносните мерки се зголемени откако е потврдено дека најмалку два бомбаши, кои учествувале во терористичките напади на 13 ноември во Париз, влегле во Европа преку Грција, претставувајќи се како бегалци.