Што им предложи Румен Радев на македонските бизнисмени?

Добивај вести на Viber

Бизнисот во Бугарија и Република Македонија треба да има јасно дефинирана заедничка визија и стратегија за да расте стоковата размена и благосостојбата на граѓаните од двете страни на границата. 

Ова го изјави шефот на Бугарија Румен Радев на средба со претставници на стопански комори од Република Бугарија и Република Македонија во Скопје,

Радев беше во дводневна официјална посета на Република Македонија на покана на својот колега Ѓорге Иванов. 

Во рамките на посетата на Румен Радев беше потпишан Меморандум за соработка меѓу Македонско-бугарската стопанска комора и бугарско-македонската стопанска комора. 

Претставниците на бизнис организациите го придружува бугарскиот шеф, и се согласија со македонските колеги за потпишувањето на Меморандум за разбирање помеѓу Агенцијата за промоција на мали и средни претпријатија и Инвест Македонија. 

„Многу ми е драго што веќе имаме политичка доверба на највисоко ниво. Тоа е предуслов за идните успеси на нашите претприемачи“, рече претседателот на Бугарија за време на форумот. 

Како непроменливи предуслови за економски раст и раст на странските инвестиции на Бугарија и Република Македонија, претседателот Радев ги утврди безбедноста во внатрешен и надворешен план, добрососедските односи во регионот и волјата за инвестирање на напор во високата технологија и иновации. „Многу е важно да ја развиваме нашата соработка во долгорочни и ветувачки продукции. Отвореноста кон странските инвестиции и приливот на повеќе нови претпријатија на пазарот помагаат и за создавање на подобар модел на функционирање на целото општество“, изјави тој и додаде дека чесниот бизнис ќе напредува со воведување на нови стандарди за построга борба против корупцијата.

 На средбата со бизнис сектроот Румен Радев ја изрази и подготвеноста на Бугарија да размени своите искуства во искористувањето на европските фондови со Скопје и увери дека Бугарија ќе ги поддржува проектите за инфраструктурна, дигитална и транспортна конекција со која ќе се олесни економската активност од двете страни на границата.