Што им вети Димитров на младите од Делчево?
Објавено во: Македонија 25 Септември, 2018
30 септември ќе биде празник на иднината, порача министерот за надворешни работи, Никола Димитров, вчера во Делчево.
Димитров се сретна со младите од Делчево и со градоначалникот, Горан Трајковски.
Се зборуваше за одливот на способни млади во странски земји, луѓе кои инаку директно би придонеле кон развој на регионот. Иселувањето не можеме да го спречиме доколку Македонија не ја направиме европска, смета министерот.
Димитров на трибината рече дека на 30 септември ќе направиме крупен чекор кон подобра иднина за Делчево.
„Позитивниот исход од референдумот значи и далеку поголема заинтересираност на странски компании, заинтересираност која брзо ќе се преточи во нови работни места, поголеми плати и општ развој на Делчево. На Делчево му е потребна поголема странска инвестиција да го искористи потенцијалот кој го има. Наша историска обврска е да обезбедиме шанса за нашите идни генерации да имаат просперитетен и удобен живот – дома. 30 септември ќе биде празник на иднината“- информираат од МНР.
Министерот Димитров денеска ќе ги посети Валандово, Гевгелија и Струмица.