Што ќе гради албанскиот милијардер Самир Мане во Скопје?

Добивај вести на Viber

Албанскиот милијардер Самир Мане во Скопје преку неговата „Балфин груп“, планира нова инвестиција вредна 180 милиони. Мане формираше нова компанија наречена  „Скопје Ист Гејт“ која инаку го презеде имотот на Скопски саем и на располагање ќе има голем простор за градба на нов трговски центар. Да потсетиме дека токму „Балфин Груп“ го изгради популарниот трговски центар Skopje City Mall за потоа да го продаде на странски инвеститор.

На земјиште од 155.000 метри квадратни, лоцирано на 1,5 километри од центарот на Скопје, на пресекот меѓу улиците „Александар Велики“ и „Беласица“, ќе се изградат објекти со вкупна корисна површина од 250.000 м2, соопшти компанијата. Прво ќе се изгради трговски центар на површина од 45.000 м2, а во период од 5-7 години и станови и деловен простор. Трговскиот центар ќе биде на две нивоа и ќе има околу 2.500 места за паркирање под земја, а новата резиденцијална област ќе опфаќа 100.000 м2 станбена површина и ќе се гради во следните пет години.

Самир Мане, има 49 години во Корча, е се смета за првиот албански милијардер, со проценето богатство на 1,2 милијарди долари. Неговата „Балфин груп“ е најголемиот приватен инвеститор во Албанија и во Југоисточна Европа, составена е од 18 фирми-ќерки во седум земји од регионот, кои вработуваат повеќе од 3.000 луѓе.

Трговскиот центар се очекува да се отвори кон крајот на 2020. Заедно со трговскиот центар се планира да се изгради и станбен и деловен простор кој ќе биде завршен во текот на следните 5 до 7 години.