Што одлучи Франција за екстрадицијата на Харадинај?
Објавено во: Балкан 02 Март, 2017
Апелацискиот суд во Колмар, Франција за 6 април го одложи донесувањето одлука за барањето на Србија за испорачување на Косовецот Рамуш Харадинај, кој се товари за воени злосторства.
Истражниот совет во согласност со барањето на Обвинителството наложил доставување дополнителни информации за Харадинај.
Тој засега нема да може да ја напушти Франција до конечната одлука на Судот, кој по вторпат ја одложи својата одлука.
Апелацискиот суд во Колмар на 9 февруари одржа јавна седница, на која свои ставови за барањето на Србија изложија Харадинај и неговите адвокати и заради утврдување на исполнувањето на условите и гласањето за барањето на Србија за екстрадиција го одложи донесувањето на својата одлука.
Тогаш републичкиот обвинител на Франција побара да се прецизира одредувањето на документација и да се запознае со процесот на законите на Србија.
Задача на судот во Колмар е да утврди дали се исполнети условите за испорачување, кои ги предвидува Европската конвенција за екстрадиција, која не го орочува донесувањето одлуки.
Харадинај вели дека одлуката на Судот во Колмар за повторно одложување на давањето мислење за барањето на Србија за негова екстрадиција е срамна и политичка одлука.
Тој се брани дека борбата на ОВК е веќе разгледувана пред Хашкиот трибунал.
Харадинај, кој е лидер на опозициската Алијанса за иднината на Косово е уапсен на 4 јануари на границата со Швајцарија и Франција по српската потерница, а Србија потоа испрати барање до Франција за негово екстрадирање.
Тој една недела подоцна е пуштен со цел одлуката на Судот за барањето на Србија за негова екстрадиција да ја чека на слобода, но му е одземен пасошот и забрането му е да ја напушта територијата на Франција.
Истрагата против Харадинај во Србија е почната во 2004 година, а во јануари е проширена со нови обвиненија и нови докази, кои се проследени до Судот во Колмар.
На Хардинај му се судеше во Хашкиот трибунал за воени злосторства на Косово, но во 2012 година е правосилно ослободен од сите обвиненија.
Србија го бара Харадинај поради обвиненија дека извршил кривични воени злосторства против цивилното население на Косово во периодот 1998-1999 година.
Можеби ќе ве интересира
ХРВАТСКА: Убиена е жена, уапсен е член на семејството
ТРАГЕДИЈА ВО АЛБАНИЈА: Поради семејно насилство мајка со трите деца се фрлила вo река
ДИЈАНА ЃОКОВИЌ, МАЈКАТА НА НОВАК ЈА ПРОМЕНИЛА ВЕРАTA: Родителите не ме учеа да верувам во Бога
СЕ АКТИВИРАШЕ И АНГЕЛОВ, ОТКАКО СРБИТЕ ПРЕДУПРЕДИЈА ДЕКА НЕКОЈ ИМ КРШИ ШОФЕРШАЈБНИ ВО МАКЕДОНИЈА: „Пратете попорецизна локација“
НИКАНА.ГР: ПРЕДУПРЕДУВАЊЕ ЗА СИТЕ ШТО ПАТУВААТ ОД ГРЦИЈА: „Некој врзал камен за мост во Македонија, возачите ги кршат шофершајбните“
„МИНАТА ГОДИНА БЕШЕ 15, А СЕГА 350 ЕВРА, ОВА Е СРАМ ЗА ХРВАТСКА“ Превирања во популарното туристичко место поради огромниот скок на цените
ЛОНДОН, АМСТЕРДАМ И ДУБАИ СЕ „МЕКА“ ЗА ГОСТИ БАЈТЕРТЕ! Во потрага по леб, овие четири земји се најпривлечни за нашите соседи од Србија
АКО ЛЕТОВО ОДИТЕ ВО ЦРНА ГОРА, БИДЕТЕ ВНИМАТЕЛНИ, ЌЕ ЛЕТААТ КАЗНИ ДО ИЛЈАДА ЕВРА: Еве зошто властите одлучија да ги казнуваат туристите
АКО ВО СРБИЈА ВИ СЕ ОТВОРИ ШАНСА ДА РАБОТИТЕ НА ОВИЕ МЕСТА, ЌЕ ДОБИЕТЕ „МРСНА“ ПЛАТА: Некои професии се плаќаат и 300 илјади денари
