Што треба да знаете за данокот на моторни возила: еве како ќе се пресметува

Добивај вести на Viber

Првите критики за данокот на моторни возила ги испорача Поранешниот советник на екс министерот за финансии, Бранимир Јовановиќ.

Откако минатата година го донесе Законот, Владата неодамна ја усвои и Уредбата, како и правилниците, така што веќе се знае како да се пресмета - за кое и какво возило колкав данок треба да се плати. 

Јовановиќ, за Фактор вели дека со сегашново решение, кое, според него, беше донесено нетранспарентно, поевтините автомобили добиваат неколку пати повисок данок, па макар и помалку загадувале.

„Данокот на моторни возила е една од последните работи која ја координирав додека бев во министерството. Предлогот што го подготвивме, кој ѝ остана во аманет на сегашнава министерка, предвидуваше во суштина две промени - повисок данок за возилата што повеќе загадуваат и повисок данок за поскапите коли. Но, многу внимававме да не го зголемиме данокот за сите поевтини коли, туку само за оние кои многу загадуваат, за да не ги погодиме сиромашните, Сегашново решение, кое беше донесено максимално нетранспарентно, преку ноќ и без никаква дебата, е драстично различно од нашето. Со сегашново решение, поевтините коли добиваат неколку пати повисок данок, макар и загадувале малку, а поскапите коли добиваат понизок данок, макар и загадувале многу. И, да бидам искрен, воопшто не сум изненаден од ваквата политика на удирање по сиромашните, знаејќи од каде доаѓа министерката, и што сѐ направи претходно“, вели Јовановиќ.

Повеќе детали на оваа тема читајте го анализата на ФАКТОР ТУКА.