Штрахе нема да биде европарламентарец откако ја урна австриската влада
Објавено во: Свет 17 Јуни, 2019
Контроверзниот Хајнц Кристијан Штрахе, кој си поднесе оставка како лидер на помалиот коалиционен партнер Слободарска партија на Австрија и ја урна австриската влада на канцеларот Себастијан Курц по скандалозното видео во кое договара корупција, нема да биде пратеник во новиот состав на Европскиот парламент откако се откажа од мандатот.
Тој освои место во евроипарламентот по европските избори минатиот месец, но во меќувреме изби аферата со сникмата во која се гледа како на една наводно роднина на руски милијардер и нуди државни услуги во замена за финансиска поддршка за неговата партија, се откажа од освоениот мандат во Европскиот парламент.
Штрахе на изборите за Европскиот парламент освои повеќе од 45.000 гласови, со што доби директен мандат. Тој истакна дека ќе се врати во политиката откако ќе биде расветлен случајот со видео снимката.