ШУМСКИ ПОЖАР ВО ШПАНИЈА ЗАФАТИ ВОЗ: Луѓе скокнаа од вагонот, повеќе од 20 патници се повредени

Добивај вести на Viber

Најмалку 20 патници се здобија со изгореници и други повреди, од кои тројца потешко, откако скокнаа од воз зафатен од шумски пожар во близина на Кастелон во североисточна Шпанија.

Возот, кој сообраќал од Сагунто во провинцијата Валенсија, кон Сарагоса, запрел поради пожарот, пренесува Гардијан.

Машиновозачот, кој забележал дека пожарот се шири кон композицијата, го запрел возот и се обидел да се врати назад, пишува британскиот весник.

Тогаш група патници во паника дека пожарот ќе го зафати возот, ги отвориле вратите и ги искршиле прозорците во обид да скокнат од возот, по што оган и чад влегле во вагонот.

Поголемиот дел од патниците ги почувствувале ефектите од чадот, а три лица се здобиле со сериозни изгореници.

Двајца патници со најтешки изгореници, меѓу кои и една 58-годишна жена, се евакуирани со хеликоптер, додека другите, меѓу кои и едно 10-годишно девојче, се префрлени во блиските болници, соопшти итната помош.

Валенсија е последниот регион во Шпанија каде се забележани големи шумски пожари кои досега уништија десетици илјади хектари земја, а во нивното гаснење учествуваат повеќе дестинации на авиони и хеликоптери.

Фото: Принскрин/Твитер