Швајцарски компании ja трујат Африка со токсични горива?
Невладина организација открива голема шема за дистрибуција на токсични горива.
Објавено во: Економија, Свет 21 Септември, 2016
Три швајцарски фирми со години ги заобиколуваат еколошките стандарди и на скандалозен начин доставуваат високо токсични горива во неколку земји од Западна Африка.
Ова станува јасно од истрага на невладината организација од Швајцарија „Паблик ај".
Истрагата под наслов „Валкан дизел: како швајцарски трговци ја преплавуваат Африка со токсични горива" открива голема трговска мрежа, во која улога играат холандските пристаништа Амстердам и Ротердам, како и белгиското Антверпен.
Големи компании, кои дури немаат синџири од бензински пумпи, исто така, играат голема улога во снабдувањето со горива за африканските пазари.
Швајцарските трговци ги користат ниските стандарди во земјите на црниот континент.
Истражувањето на „Паблик ај" открива алармантни податоци - дизелот содржи 380 пати повеќе сулфур отколку што е дозволено во Европа.
Меѓу земјите кои имаат најниски еколошки стандарди се Мали, Замбија, Сенегал, Гана и Бенин. Како резултат на отровните горива денес воздухот во Лагос и Дакар е позагаден од овој во Пекинг.