Силк Роуд Банка во понеделник започнува исплатата на пензиите за месец септември

Добивај вести на Viber

Силк Роуд Банка АД Скопје ги известува сите приматели на пензија преку банкатадекаисплатата на септемвриските пензии ќе се врши  на 28.09.2020 (понеделник). Почнувајќи од 28.09.2020 година пензиите ќе може да се подигнат со платежна картичка од било кој банкомат на банката.

Пензионерите кои не користат картичка, односно своите пензии ги подигнуваат на благајна во банката истите ќе може да ги подигнат, согласно распоредот направен според висината на пензијата: 

- Во понеделник, на 28.09.2020 година исплата на пензии со висина до 11.000 денари;

- Во вторник, на 29.09.2020 година исплата на пензии во висина од 11.001 денари до 14.000 денари;

- Во среда, на 30.09.2020 година исплата на пензии во висина од 14.001 денари до 18.000 денари;
- Во четврток, на 01.10.2020 година исплата на пензии во висина над 18.001 денари.

Имајќи ги предвид преземените безбедносни мерки во експозитурите, а со цел да не се прават дополнителни гужви на благајните, се препорачува на сите кои ќе ги подигнуваат пензиите на благајна во банката да се придржуваат до веќе утврдениот распоред за исплата.

Сите приматели на пензија кои немаат картичка, при подгнувањето на пензијата ќе можат бесплатно да аплицираат за дебитна картичка со која во иднина ќе можат пензиите да ги подигнуваат преку банкомат, без потреба од посета на експозитура.
Од банката напоменуваат при посета на експозитурите задолжително да се почитуваат преземените безбедносни мерки и воспоставениот ред за влез и излез, како и задолжително носење на заштитна маска со себе и одржување на минимално растојание од 2 мeтри од останатите клиенти и банкарските службеници.