Силни земјотреси погодија две земји во светот
Објавено во: Свет 17 Јануари, 2020
Силни земјотреси ги стресоа Мексико и Камчатка.
Земјотрес со јачина од 5,6 степени утрово го погоди јужниот дел на Мексико, објави Националниот сеизмолошки центар.
Епицентарот на земјотресот бил во близина на Салина Круз.
Земјотресот е почувствуван и во главниот град Мексико Сити, но нема информации за евентуални жртви или причинета материјална штета.
Земјотрес од 5,5 степени е регистриран во Тихи Океан во близина на брегот на Камчатка на рускиот Далечен Исток.
Епицентарот на земјотресот бил на 94 километри од градот Петропавловск-Камчатски.