Силвија Стојановска не се чувствува виновна за шверцот на кокаин
Објавено во: Македонија 21 Август, 2020
Aктерката Силвија Стојановска и нејзиниот поранешен сопруг Воислав Будисављевиќ на првото рочиште на судењето во случајот „Колибри“ кажаа дека не се чувствуваат виновни.
Се произнесоа дека не се поврзани со трговија на кокаинот, односно со негово купување и продавање во количина од близу 700 килограми од Јужна Америка во Шпанија.
Според обвинителството, Будисављевиќ му помагал на својот брат Владимир и му вадел карти и наоѓал транспорт за прекуокенаскиот пат на кокаинот кон Шпанија. Владимир Будисављевиќ и двајца шпански државјани се обвинети за шверцот во Шпанија каде се упасени со пратката во близина на Мадрид.
Обвинителство тврди дека Коминикацијата на браќата Будисављевиќ била преку Енкрочат апликации, на телефонски уреди со кои се шифрирале и криеле пораките. Актерката Стојановска, пак уплаќала пари и купувала авионски карти, како и изнајмувала апартман во Мадрид.
Обвинителство тврди дека Стојановска била во Мадрид каде од за неа непознато лице зела 10 илјади евра.
Стојановска веќе неколку месеци се наоѓа во куќен притвор, а пак, Будисављевиќ во притвор.
Двајцата беа приведени на крајот на декември лани. Актерката и нејзиниот поранешен споруг со обвинителниот акт се товарат дека организирале сместување, купување, превезување на дрога од Мадрид и барале купувачи за неа.