Сирски: Русите користат стара опрема, но војниците сега се подобро обучени

Добивај вести на Viber

На боиште доаѓаат подобро обучени руски војници, тврдат во Украина. 

Генерал Олександер Сирски, командант на украинските копнени сили вели дека на боиште доаѓаат се подобро обучени руски војници, по неодамнешната мобилизација која ја спроведе Москва. Вели дека мобилизацијата ја зголемила воената закана на Русија во Украина, но дека Москва моментално користи многу стара опрема, бидејќи има огромни проблеми со обновата на залихите. 

„На источното боиште ситуацијата е многу напната, непријателот секојдневно ги напаѓа нашите единици. Ваков број војници ја зголеми заканата за нас и тоа не се само зборови – тоа се нови бригади, нови баталјони кои се обучени, ова е дополнение кое војската го чекаше, бидејќи беше исцрпена“, вели Сирски.

Жестоки борби има во Бахмут. Руските борбени авиони значително ја намалија активноста над Украина, стои во дневниот билтен на британската разузнавачка служба, пренесува ДПА. Руските воздухопловни сили сè уште извршуваат неколку десетици мисии дневно, што е значително намалување во однос на 300 мисии дневно во март, објави британското Министерство за одбрана на Твитер, повикувајќи се на разузнавачки информации. Руските воздухопловни сили досега изгубиле повеќе од 60 авиони. 

Инаку, рускиот претседател Владимир Путин денеска со автомобил помина со Kримскиот мост.