19 Март, 2024
0.0379

СКАНДАЛ НА ВЕКОТ ВО АМЕРИКА: Афера со колешка го натерала Бил Гјетс да се повлече од Мајкрософт?

Објавено во: Свет 17 Мај, 2021

Добивај вести на Viber

Во 2020 година, членовите на Управниот одбор на Мајкрософт побараа основачот на компанијата Бил Гејтс да ја напушти својата позиција во Бордот, поради истрагата за аферата што ја имал со вработена во Мајкрософт, пишува Волстрит журнал и пренесува Хафингтон пост.

Списанието, повикувајќи се на извори запознаени со ситуацијата, во неделата објави дека компанијата ангажирала адвокатска фирма за да ги испита наводите, бидејќи софтверскиот инженер во 2019 година напишал писмо во кое ги опишувал односите меѓу Гејтс и една жена вработена во „Мајкрософт“. Компанијата потврди дека се случила ваква истрага, но тие досега не спомнаа дека на Гејтс му било препорачано да ја напушти својата позиција во „Мајкрософт“.

„Мајкрософт е свесен за писмо во кое се тврди дека Бил Гејтс се обидел да воспостави интимна врска со вработена во компанијата во 2000 година. Управниот одбор ги разгледа овие обвинувања, со помош на адвокатска канцеларија и спроведе темелна истрага. Преку овој процес, Мајкрософт обезбеди поддршка за предметниот вработен".

Гејтс поднесе оставка од Управниот одбор во март 2020 година, велејќи дека е „време да се посветиме на филантропија“.

Во изјава за журнал, портпаролката на Гејтс потврди дека „имало афера пред 20 години што завршила спогодбено“ и инсистирала на тоа дека нема никаква врска со оставката на Гејтс.

- Неговата одлука за повлекување не е поврзана со ова. Тој веќе неколку години сака повеќе да се посвети на филантропијата - рече таа.

Овие извештаи фрлаат ново светло на однесувањето на Гејтс во средината на приказната за неговиот развод. Бил и Мелинда Гејтс, кои се во брак 27 години, објавија дека се разведуваат претходно овој месец, велејќи дека „не веруваат дека можат да се развиваат како пар во следната фаза од нивниот живот“.

Во написот објавен во неделата, Њујорк Тајмс пишува дека Гејтс имал „репутација“ во Мајкрософт, кога станува збор за „сомнително однесување“ во близина на жени. Цитирајќи луѓе кои биле запознаени со ова, „Тајмс“ пишува дека Гејтс „брка“ вработени жени, а еднаш, по презентацијата, тој поканил своја колешка на вечера по електронска пошта.

„Ако не ви е пријатно, преправете се дека тоа не се случило“, напиша тој во е-поштата прочитана за „Тајмс“.

Њујорк Тајмс изнесе и повеќе детали за контактот на Гејтс со Џефри Епштајн, засрамен финансиер кој е обвинет за мамење малолетници. Во 2019 година тие објавија приказна дека Гејтс летал со Епштајн со приватен авион и дека ги посетил „настаните“ на имотот на Епштајн, што наводно ја присилило Мелинда Гејтс да се обрати до адвокат за развод

„Тајмс“ додава дека деталите во неговата приказна биле вест за Мелинда Гејтс. Бил Гејтс не беше обвинет за ништо, кога станува збор за Епштајн, а тој подоцна изјави дека му е „жал“ што е во контакт со него. Портпарол на Гејтс изјави дека Гејтс се состанал со него „исклучиво во врска со филантропијата“.

Џефри Епштајн се уби во затвор во 2019 година.


Извор: еспресо.рс

Можеби ќе ве интересира

ПОСКАПУВААТ НЕДВИЖНИНИТЕ ВО ТУРЦИЈА: Најбарани се имотите во Истанбул, Анкара и Измир

ПОСКАПУВААТ НЕДВИЖНИНИТЕ ВО ТУРЦИЈА: Најбарани се имотите во Истанбул, Анкара и Измир

ХОДОРКОВСКИ ДО ЗАПАДОТ: Не ја признавајте победата на Путин

ХОДОРКОВСКИ ДО ЗАПАДОТ: Не ја признавајте победата на Путин

НАЈКРАТКАТА УЛИЦА НА СВЕТОТ: Потребни се само три чекори за да ја поминете

НАЈКРАТКАТА УЛИЦА НА СВЕТОТ: Потребни се само три чекори за да ја поминете

ЦРН БИЛАНС: Колку деца загинаа досега во Газа?

ЦРН БИЛАНС: Колку деца загинаа досега во Газа?

НЕ САКААТ ДА ЗАЗЕМАТ ТЕРИТОРИЈА: Руските партизани сакаат да го посрамотат Путин

НЕ САКААТ ДА ЗАЗЕМАТ ТЕРИТОРИЈА: Руските партизани сакаат да го посрамотат Путин

НАРИШКИН: Одлуката на Хрушчов за Крим е трагична грешка

НАРИШКИН: Одлуката на Хрушчов за Крим е трагична грешка

(ВИДЕО) ПРОТЕСТИ ВО КУБА: Луѓето бараат храна и струја

(ВИДЕО) ПРОТЕСТИ ВО КУБА: Луѓето бараат храна и струја

БЕГАЛА ОД МЕЧКА И ПОЧИНАЛА ПАЃАЈЌИ ОД КАРПА - во близина е пронајдено животното со крвава вилица - хорор во Словачка

БЕГАЛА ОД МЕЧКА И ПОЧИНАЛА ПАЃАЈЌИ ОД КАРПА - во близина е пронајдено животното со крвава вилица - хорор во Словачка

Борел: Газа повеќе не е „затвор на отворено“, туку „гробишта на отворено“

Борел: Газа повеќе не е „затвор на отворено“, туку „гробишта на отворено“