СКАПО ЗАДОВОЛСТВО: Колку платил за кафе во Венеција?
Објавено во: Финансии 08 Август, 2018
Човек кој пиел кафе во Венеција, се изненадил кога добил сметка од 43 евра (38 фунти) за две кафиња и две шишиња вода и ова предизвика реакции на социјалните мрежи, пишува британски Телеграф.
Хуан Карлос Бустаменте, 62-годишен политички активист кој живее во Италија, ја споделил фотографијата од неговата сметка од Кафе Лавена на познатиот плоштад Свети Марко на Фејсбук минатата недела. Таа е споделена скоро 10.000 пати и го привлече вниманието на медиумите во светот.
Високата сметка е резултат на доплатата која познатото кафуле ја наплаќа на гостите, затоа што седеле надвор на најсончевиот агол на плоштадот, спроти екстравагантната фасада на базиликата Свети Марко, каде што можат да ги слушаат оркестарите што таму настапуваат.
Портпаролот на кафулето истакна дека оваа дополнителна такса е наведена на менито, а кафето во барот внатре чини 1.25 евра.
Бустаменте кој е по потекло од Чиле, напиша на Фејсбук: „Не знам што мислите, но 43 евра за две кафиња и две шишиња вода!"
Многу луѓе беа на негова страна и го поддржаа.