Скопје Север ќе има парно, стечајниот ќе потпише договор со ЕСМ
Објавено во: Економија 30 Ноември, 2022
Топланата Скопје-Север објави дека е решен проблемот со парно греењето за скопските населби Чаир и Бутел.
Дирекцијата на ова акционерско друштво известува дека одборот на доверители денеска напладне му дал зелено светло на директорот Богољуб Макревски, кој е водач на стечајната постапка на матичната компанија, да потпише техничко-деловна соработка со ЕСМ.
Од таму додаваат дека во текот на денот се очекува да се форматира договорот за премин на Топланата од приватно во државно управување, поточно на Електраните на Северна Македонија.
Во меѓувреме ќе се обезбеди природен гас и затоплувањето ќе продолжи со ово енергенс. Најдоцна до утре да има топлинска енергија во подрачјето на Чаир и Бутел.
Поради немање финансиски средства за цел месец однапред да платат за гас, а поради тоа што Град Скопје не им дозволил да испорачуваат греење со помош на мазут, Топланата Скопје Север од пред неколку дена не може да испорачува парно до петстотини домаќинства.