СКОПЈЕ УТРОВО ОСМИ НАЈЗАГАДЕН ГРАД ВО СВЕТОТ: Спасете со од аерозагадувањето со докторски совети

Добивај вести на Viber

Утринава Скопје е осми најзагаден град во светот.

На ова место е рангиран на листата на специјализираната страница за аерозагадување „airvizual“ и е во друштво на градови од Индија, Пакистан, Бангладеш и Кувајт.

Најзагадено во овој момнет во светот е Делхи во Индија.

Во земјава пак податоците покажуваат дека токму сега е најзагадено во Куманово и Кавадарци, додека над 100 ПМ10 честиците се во Битола, Карпош , Бутел и Ректорат.

Ние ви даваме неколку  докторски совети за „спас“ од аерозагадувањето:

1. Следете го нивото на загадување во вашето населено место и доколку е над дозволените граници, надвор движете се само доколку е неопходно и носете маска со филтер.

2. Избегнувајте движење, трчање и вежбање во периодите кога нивото на загаденоста на воздухот е високо. Потребно е нашите читатели да знаат дека загадувањето на воздухот во текот на денот е највисоко во периодот од 11-18 часот, па затоа доколку планирате какви било активности најдобро е истите да се извршат рано наутро или доцна навечер.

3.Избегнувајте физичка активност во близина на сообраќајници со голема концентрација на возила, особено во периодите со погуст сообраќај. Познато е дека прометните автопати го загадуваат воздухот во пречник од 1км.

4.Формирајте здрави навики. Не користете автомобил доколку се работи за блиска дестинација. Препорачливо е пешачење или возење велосипед.

5. Не смее да се гори отпад бидејќи во голем процент придонесува за загадување на воздухот.

6. Не користете фосилни горива(нафта, прегорено автомобилско масло, јаглен, ќумур и сл.) за загревање на ваште домови.

7.  Не дозволувајте пушење во просториите во кои престојувате