СНЕГОТ СОЗДАДЕ ПРОБЛЕМИ ВО СРБИЈА: Премрзна маж, а имаше и страшна сообраќајка
Објавено во: Балкан 10 Јануари, 2019
Жител на Бродарево, каде патиштата се завеани, случајно во текот на денот во снегот пронашол премрзнат маж, но не успеал да го спаси. Никој до него не можел да се пробие низ снегот.
Бајко Гојак, жител на Бродарево вели дека несреќниот човек го забележал додека лежи крај патот целосно покриен со снег, дека дава знаци на живот, но не може сам да му помогне, а дека надлежните служби не се во можност да излезат на терен поради завеаните патишта.
26 годишно машко лице загина, а жена на возраст од 25 години, која била во поодмина бременост, е тешко повредена во сообраќајната несреќа која утринава се случила на патот Крушевац – Ѓунис.
Се судриле автобус на крушевскиот „Југопревоз“ и автомобил „фиат пунто“, при што возачот на автомобилот загинал на лице место, а жената која била во поодмината брменост, која била во автомобилот со него, транспортирана е во болница, каде е породена со царски рез.
Поради сомнеж дека возачот на автобусот извршил кривично дело, тешко дело против безбедноста на јавниот сообраќај, на возачот одредено му е задржување од 48 часа.