СО АВТОМОБИЛ ВЛЕТА ВО ТОЛПА: Повредени 30 луѓе меѓу кои и деца
Објавено во: Свет 24 Февруари, 2020
Најмалку 30 луѓе се повредени во нападот во Германија, a меѓу нив има и деца.
Aвтомобил влета во карневалска парада во западниот германски град Волкмарсен, a полицијата смета дека возачот, кој е идентификуван како 29-годишен германски државјанин, намерно влетал во толпата, но засега не се знае ништо за неговиот мотив, пренесе „Ројтерс“.
Локалните медиуми цитираа сведоци кои велат дека возачот намерно сакал да ги прегази децата и дека со голема брзина влетал во толпата што учествувала на традиционалната парада во пресрет на христијанскиот празник за големиот пост.
Како мерка на претпазливост полицијата ги откажа сите карневалски паради во германската држава Хесе, каде што се наоѓа Волкмарсен, но велат дека не се запознати со други закани за безбедноста на граѓаните во другите делови на Германија.
Инцидентот се случи за помалку од една недела откако напаѓач уби девет лица во еден од најтешките расистички напади во Германија.