СО ЧАСОВИ ЧЕКАА ЗА ДА СЕ ЗАПИШАТ ВО КНИГАТА НА ЖАЛОСТ - последни зборови за починатиот градоначалник на Загреб

Добивај вести на Viber

Вчера беше отворена книга на жалост за починатиот градоначалник на Загреб Милан Бандиќ, во седиштето на град Загреб, а денес има редици од луѓе кои сакаат да се запишат во неа, пишува Индекс.хр.

Според новинарката на N1, Катарина Бречиќ, луѓето што сакаат да се запишат во книгата на жалост поради големата толпа мора да чекаат два часа.

Досега се пријавија многу политичари и дипломати за запишување.

Пемиерот на Хрватска Андреј Пленковиќ ја потпиша книгата на жалост по повод смртта на Милан Бандиќ.

„По повод смртта на Милан Бандиќ, долгогодишниот градоначалник на Загреб, упатувам искрено сочувство до неговото семејство и соработниците“, напиша Пленковиќ.

„Граѓаните на Загреб му дадоа доверба на Милан Бандиќ да биде градоначалник шест пати, а по две децении работа тој остави зад себе бројни проекти кои придонесоа за развојот на Загреб и неговата препознатливост.

Во изминатите пет години, како премиер, соработував со градоначалникот и го поддржувавме развојот на хрватската престолнина“, пишува Пленковиќ.

„Градоначалникот Бандиќ, како човек и политичар, се одликуваше со неисцрпна работна енергија и ентузијазам. Тој ќе остане запаметен по неговите напори да направи добро за луѓето од Загреб, но и за многу други хрватски региони", напиша Пленковиќ.

Извор и фото: Индекс.хр