Со шкампи и руско вино сѐ оди полесно: Путин во Кремљ го угостил Макрон со овие специјалитети
Објавено во: Свет 08 Февруари, 2022
Важната посета на претседателот на Франција кај рускиот колега Владимир Путин резултираше со конструктивен разговор кој траеше дури 5 часа, но со исклучителното мени со кое Макрон беше пречекан во Кремљ, се чини дека сè поминало полесно.
Имено, судејќи по фотографијата од менито која се појави на социјалните мрежи, Макрон бил пречекан со специјалитети од есетра (прилично голем вид на риба која ја има во Русија), јастог, специјално подготвени кисели јаболка, сето тоа со руско вино - Шардоне од 2015 година.
За Макрон во Кремљ е подготвено исклучително мени: јаболка со лангустини, стек од есетра и руско вино“, стои во соопштението. Во понудата има и равиоли од спанаќ, лова со сладок компир и сето тоа засладено со тарт со круши.
Изысканное меню приготовили для Макрона в Кремле: моченые яблоки с лангустином, стейк из осетрины и российское вино pic.twitter.com/hfqGZ0ek7d
Претседателот на Франција, Емануел Макрон, изјави синоќа дека во наредните денови ќе се водат разговори за новиот поредок на стабилност и безбедност во Европа, пренесе агенцијата ТАСС.
Макрон го нарече разговорот со Путин „суштински“.
Сега сите треба да најдеме мирен пат во Европа и пат на стабилност, сѐ уште има можност и време за тоа“, рече Макрон на прес-конференција.
Тој смета дека се потребни нови механизми за да се обезбеди стабилност во Европа, но дека тие не треба да се развиваат со ревидирање на постоечките договори.
„Потребно е да се изградат нови механизми кои би обезбедиле стабилност во регионот, но овие нови точки не можат да се изградат со ревидирање на договорите од последните 30 години и основни принципи или ограничување на основните европски права“, додаде тој.
Можеби новите безбедносни решенија во Европа треба да бидат поиновативни, изјави претседателот.
„Русија и Франција имаат различни ставови, тоа мора да се разбере и прифати“, рече Макрон.
фото: твитер