Со столица го удирал по глава човекот со кого претходно пиеле - обвинение за обид за убиство
Објавено во: Македонија 06 Март, 2020
Основното јавно обвинителство во Велес поднесе Обвинителен акт против лице од Богданци за кривично дело - Убиство во обид.
Станува збор за шеесетгодишник кој бил мртов пијан и го удирал со столица по главата неколку пати човекот со кој дента заедно пиеле алкохол.
„Обвинетиот на 11.10.2019 година околу 20.30 часот, под дејство на алкохол од 2,97 прoмили во крвта, во дворот од својата куќа во Богданци со умисла се обидел да го лиши од живот оштетениот со кој заедно дента консумиралe алкохол. Обвинетиот го удрил оштетениот со тупаница во задниот дел на главата, па откако го турнал на земја, подигнал дрвен стол и неколкупати го удрил оштетениот во пределот на главата. Од ударите му нанесол тешка телесна повреда со конкретна опасност по животот. Обвинителството со поднесување на обвинението во Основниот суд Велес достави и предлог за продолжување на определената мерка притвор на обвинетото лице, бидејќи се уште постојат основите поради кои истиот е определен“, се вели во соопштението од Обвинителството.