19 Мај, 2019
0.0234

Совети: Како да останете безбедни во сообраќајот во зима

Објавено во: Мои пари 09 Јануари, 2019

Додека пешаците се најранлива категорија учесници во сообраќајот, возачите, пак, се оние кои најчесто предизвикуваат или учествуваат во сообраќајна незгода. Зимата и зимските услови на патиштата предизвикуваат сериозни проблеми, како за возачите, така  и за пешаците.

  Во зима, времето е студено, денот е пократок, а појавата на магла е зачестена и значително е намалена видливоста на патиштата. Во вакви временски прилики, кога улиците и тротоарите се лизгави, а утринските и дневните температури се во минус, најзагрозени во сообраќајот се пешаците - нивното движење станува опасно и отежнато. Без разлика дали се движат на тротоар, на пешачки премин или преминуваат преку улица, сепак тие се најподложни на повреди. Секојдневно страдаат голем број пешаци независно од нивната возраст, пол или способност, а најчесто повредени пешаци се повозрасните луѓе. 

Водејќи се од ваквата состојба, РСБСП ги советува пешаците како безбедно да учествуваат во сообраќајот:

1.  Оставете го мобилниот телефон додека се движите - рассеаното движење е опасно!

2.  Останете видливи и дење и ноќе! Носете светла, рефлектирачка облека или предмети. Додадете рефлектирачка лепенка или елек на вашата јакна или торба.

3.  Носете соодветни и добро одржувани обувки за да го намалите ризикот од паѓање на лизгавите површини.

4.  Планирајте ги вашите излегувања или состаноци. Обидете се да бидете надвордодека е ден и додека се добри временските услови. Оставете си повеќе време кога патувате во текот на зимата, така што нема да мора да „стрелате“ низ сообраќајот за да го фатите автобусот!

5.  Избегнувајте да носите работи поради кои би можеле да го изгубите балансот додека одите.

6.  Преминувајте ја улицата само на обележан премин. Никако не претрчувајте и не ја поминувајте улицата надвор од обележан пешачки премин.

7.  Остварете контакт со очи со возачот на возилото што доаѓа кон вас. Почекајте додека не поминат сите возила, пред да тргнете по улицата.

8.  Држете ја главата горе и внимателно следете го сообраќајот! Не дозволувајте нешто друго да ви го одвлече вниманието. Имајте во предвид дека: на замрзнати коловози, возачите се соочуваат со сериозни предизвици и дека во такви услови, потешко се запира возилото, односно неговиот сопирачки пат е подолг. 

Во зимски сообраќајни услови, покрај внимателноста на пешаците, задолжителна е и апсолутната внимателност и одговорност на возачите, особено кон ранливите категории учесници во сообраќајот (пешаци и велосипедисти). Во зима, условите за возање се двојно отежнати,  затоа РСБСП со потсетување на неколкуте важни работи што треба да ги почитува секој возач во зимски услови на возење:

1.  Пред да тргнете на пат, проверете ја временската прогноза.

2.  Задолжително вклучете ги светлата за да ја зголемите видливоста за другите возачи.

3.  Резервоарот со гориво, секогаш нека биде барем половина полн.

4.  Внимавајте течност за чистење на шофершајбната (ветробранското стакло), секогаш да има доволно.

5.  Возете побавно и држете растојание. Вашата брзина треба да се прилагоди кон временските услови, условите на патот и да одговара на протокот на сообраќај.

6.  Избегнувајте одвлекување на вниманието и не го користетемобилниот телефон додека возите. Вашиот целосен фокус треба да биде на патот.

7.  Имајте зимски сет во вашиот автомобил. Комплетот треба да содржи најмалку кабли за стартување на возилото, спреј за одмрзнување на брави, полнач за мобилен трелефон, ќебиња, фенерче, вода, прибор за прва помош.

8.  Ако се заглавите, вклучете ги трепкачите, поставете рефлектирачки триаголник на патот, ако има големи наноси на снег за означување на возилото може да закачите  обоена ткаенина на антената.Останете во возилото додека не дојде помош.  

Републичкиот совет за безбедност на сообраќајот на патиштата апелира до возачите, во зимски услови да го прилагодат возењето спрема временските услови и условите на патот, да ги почитуваат пешаците и да се погрижат за нивната безбедност во сообраќајот.  Пешаците, исто така, треба добро да проценат кога ќе тргнат да ја преминуваат улицата затоа што коловозите се замрзнати и на возачите ѝм треба повеќе време и простор безбедно да го запрат возилото.

Со правилно и безбедно однесување во сообраќајот, водете грижа за себе и за останатите учесници во сообраќајот.

Сообраќајните правила и прописи не постојат за да ве казнува полицијата, туку за да го заштитите сопствениот и животот на другите учесници во сообраќајот. Вози одговорно!


Можеби ќе ве интересира

Дефектот на булеварот Борис Трајковски е саниран

Дефектот на булеварот Борис Трајковски е саниран

Бесплатни очни прегледи на деца и младинци со посебни потреби

Бесплатни очни прегледи на деца и младинци со посебни потреби

Повеќе од 380 компании на 5. FMCG Summit Скопје 2019

Повеќе од 380 компании на 5. FMCG Summit Скопје 2019

Vip Go Social: комуникација во време на онлајн експерти и вертикални Инстаграм сторис

Vip Go Social: комуникација во време на онлајн експерти и вертикални Инстаграм сторис

Дефектот на Христо Татарчев е саниран

Дефектот на Христо Татарчев е саниран

Саниран дефектот на Мирослав Крлежа бб

Саниран дефектот на Мирослав Крлежа бб

Дечиња, бидете креативни и распоредете 1000 лепенки во новите сликовници од Просветно дело

Дечиња, бидете креативни и распоредете 1000 лепенки во новите сликовници од Просветно дело

Тестирање на 5G технологија – партнерство на Македонски Телеком и ФЕИТ

Тестирање на 5G технологија – партнерство на Македонски Телеком и ФЕИТ

КБ прво пензиско друштво речиси една ипол деценија управува со парите на идните пензионери

КБ прво пензиско друштво речиси една ипол деценија управува со парите на идните пензионери