СПАС ОД УЖАС: Деца од Сирија се самоповредуваат

Добивај вести на Viber

Децата кои живеат во Сирија, од кои некои имаат само 12 години, се самоповредуваат, земаат дрога и прават обиди за самоубиство, за да избегаат од ужасите на војната, која трае повеќе од 6 години. 

Ова се наведува во извештај на меѓународната хуманитарна организација, цитирана од агенциите.

Секое четврто дете или 2,5 милиони се на работ да развијат ментално растројство, вели организацијата „Спасете ги децата" во документ за менталното здравје на децата во Сирија.

Околу пет милиони Сиријци избегале од татковината, откако започна војната во 2011 година, но  на 13,5 милиони им е потребна помош во Сирија и речиси половина од нив се деца, покажуваат податоците на Канцеларијата на ОН за координација на хуманитарните прашања.

Кошмари, лутина, самоубиствени мисли и депресија се само дел од симптомите на сириските деца, кои се силно трауматизирани од бомбардирањето, смртта и уништувањето, се вели во извештајот.

Повеќето од децата со кои авторите разговарале, биле премногу исплашени за да играат надвор, се отпишале од училиште или се сведоци на смртта на свој пријател или роднина.